災害について知る
किकिकुरु (चेतावनीको जोखिम स्तर जानकारी ) बारे
किकुरु（चेतावनीको जोखिम स्तर जानकारी）भनेको के हो ?
「किकिकुरु (चेतावनीको जोखिम स्तर जानकारी )」भनेको ठूलो पानी पर्दा वा बाढी आउँदा कहाँ , कतिको खतरा छ भनेर नक्शामा हेर्न सकिने साइट हो । यो साइट मौसम विज्ञान नियोगको Home Pageमा हेर्न सकिन्छ ।
कहिले किकिकुरु (चेतावनीको जोखिम स्तर जानकारी ) हेर्ने ?
- टि.भी. वा समाचारमा हुन लगाउने सूचना वा चेतावनी （＊）दिइएको बेला
- एकदमै ठूलो पानी परेको बेला
- सतर्क हुन लगाउने सूचना वा चेतावनी:
प्रकोप आइपर्न सक्ने बेलामा सजग गराउनको लागि गरिने घोषणा ।
मौसम विज्ञान नियोगले दिनेछ।चेतावनीले सुचनाभन्दा गम्भीरअवस्थालाई बुझाउँछ ।
कसरी किकिकुरु (चेतावनीको जोखिम स्तर जानकारी ) हेर्ने ?
-
मौसम विज्ञान नियोगको Home Page खोल्नुहोस् ।
मौसम विज्ञान नियोगको Home Page
（१४ वटा भाषाहरु）
-
यीमध्ये कुनै बुँदा खोल्नुहोस् ।
- चेतावनीको जोखिम स्तर जानकारी ：पहिरो विपद् （पहाड वा भीरबाट ढुङ्गा वा बालुवा खस्ने ）
- चेतावनीको जोखिम स्तर जानकारी ：डुबान क्षति （घर वा कोठाभित्र पानी पस्ने ）
- चेतावनीको जोखिम स्तर जानकारी ：बाढी （नदीको पानीको वहाव बढ्ने ）
-
「हालको स्थान देखाउने」बटन थिचेर अहिले भएको ठाउँको नक्सा निकाल्नुहोस् ।
-
「पहिरो विपद्」「डुबान क्षति」「बाढी」 बटन थिच्नुहोस् ।
-
अहिले रहेको ठाउँमा खतरा छ कि छैन? भनेर पक्का गर्नुहोस् ।
अहिले रहेको ठाउँमा खतरा छ कि छैन?भन्ने कुरा नक्साको रङबाट थाह पाउन सकिन्छ ।
-
अहिले रहेको ठाउँमा खतरा छ भने तुरुन्तै भाग्नुहोस् ।
नक्साको रङ कालो भयो भने माथिल्लो तल्लामा जाने , झ्यालबाट टाढा ठाउँमा बस्ने जस्तो गरेर सकेसम्म सुरक्षित ठाउँमा बस्नुहोस् ।
किकिकुरु （चेतावनीको जोखिम स्तर जानकारी）हेर्ने बेला महत्वपूर्ण कुराहरु
कालो रङले प्रकोप आइसकेको बुझाउँछ । अहिले रहेको ठाउँमा खतरा छ भने प्याजी रङको अवस्था नभएसम्म तुरून्तै भागिहाल्नुहोस् ।
नक्सा हरेक १० मिनेटमा नयाँ हुनेछ । ठूलो पानी पर्दा वा ठूलो पानी परेपछि धेरै पटकनक्सा हेरेर पक्का गर्नुहोस् ।
नदीको माथिल्लो भागमाखतरा छ भने पछि नदीको तल्लो भागमा पनि खतरा हुन पनि सक्छ ।
नदी नजिकैको ठाउँमा रहेको बेला किकिकुरु （चेतावनीको जोखिम स्तर जानकारी）मा नदीको माथिल्लो भाग पनि हेर्नुहोस् ।
ठूलो पानी पर्दा वा आँधीबेहोरी आउँदा नदीको अवस्था हेर्न जानु हुँदैन । धेरै खतरा हुनेछ ।
नक्साको रङ जस्तोसुकै रङको भए पनि अहिले रहेको नगरपालिकाबाट सूचना पाउँनुभयो भने सतर्कता स्तरअनुसारको कदम चाल्नुहोस् ।
हरेक सतर्कता स्तरअनुसार चाल्ने कदमबा अर्को पाना हेर्नुहोस् ।सतर्कताको स्तरबारे (8 भाषाहरू)
पानी पार्ने बादलको चाल
किकिकुरु（चेतावनीको जोखिम स्तर जानकारी）मा पानी पार्ने बादल अबदेखि कसरी चल्छ? भनेर हेर्न सकिन्छ ।
कहाँ अनि कति जति पानी पर्छ भनेर १५ घण्टापछि सम्मको पानी पर्ने अवस्था थाह पाउन सकिन्छ ।
अहिले रहेको ठाउँको अबदेखिको अवस्था पक्का गरौँ ।
-
कसरी पक्का गर्ने ?（जापानी भाषा ・ अंग्रेजी भाषा मात्र ）
स्क्रिन माथिको 「Risk Maps」 थिच्नुहोस् ।
「Precipitation analysis/forecasts (अबदेखि पर्ने पानी)」 थिच्नुहोस् ।
▶चिन्ह थिच्नुहोस् ।
पानी पार्ने बादल नक्शामा सर्छन् ।
बादलको रङबाट पर्ने पानीको मात्रा थाह पाउन सकिन्छ ।